riviersonderend

Dans! Dans! Dans!

George Maru — Thu, 06 May 2010 17:08:30 +0000

Nou ja, die groot gewag is verby. Jack Parow se video van Dans, dans, dans, is uiteindelik op die interwebs.

Dit is werklik al waarvan jy vandag op die internet hoef kennis te neem.

Viva Afrikaans, viva!

Filed under: afrikaans, musiek Tagged: jack parow

Danksy iPad bly Noorweegse regering in beheer

George Maru — Thu, 15 Apr 2010 19:43:41 +0000

Tensy jy iewers in afsondering was die afgelope paar dae, sal jy weet dat daar algehele chaos in Europa is as gevolg van vulkaniese as wat van ‘n uitbarsting in Ysland afkomstig is.

CNN berig dat selfs leiers van lande geraak is:

The prime minister of Norway was among those stranded by the closure of European air space.

Jens Stoltenberg, who was in the United States for President Obama’s nuclear summit, is running the Norwegian government from the U.S. via his new iPad, his press secretary Sindre Fossum Beyer told CNN.

Die iPhone red mense in die Haïti aardbewing. Die iPad laat regerings staande bly.

Waarmee gaan Apple nie nog vorendag kom nie?!

Filed under: nuus Tagged: Apple, ipad, tegnologie

Lilac Wine

George Maru — Tue, 02 Mar 2010 05:00:12 +0000

Nou ja, na Die Antwoord het ek gedink dat ‘n effense koersverandering in orde sal wees . En aangesien die seisoen van wynfeeste op hande is (die Olyffees, die Wacky ens.), het ek gedink dit sal gepas wees om solank voorbrand te maak. En natuurlik, hoekom sal mens nou ‘n geleentheid laat verbygaan om ‘n Nina Simone song af te stof, al sal mens sekerlik haar nie assosieer met die uitbundigheid van ‘n Wacky nie?

Om na Nina te luister, is om huis toe te gaan. Soos die Wacky.

I lost myself on a cool damp night
Gave myself in that misty light
Was hypnotized by a strange delight
Under a lilac tree

Filed under: musiek Tagged: lilac wine, nina simone

Soek jy Die Antwoord?

George Maru — Wed, 17 Feb 2010 05:03:51 +0000

Die Antwoord vind jy in die zeffifikasie van alles wat is. Die Antwoord vertrou op die ninja. Die Antwoord is nie Steve nie. Ook nie Kurt nie. Die Antwoord se hart klop nie tjoklits nie.

Jy sal nie Die Antwoord by die Huisgenoot Skouspel vind nie.

Besluit maar wat jy dink van Die Antwoord. Dit gebeur egter nie elke dag dat ‘n Afrikaanse groep se video op Youtube al meer as 1 miljoen keer bekyk is nie.

Filed under: afrikaans, musiek Tagged: die antwoord

Kalahari.net FAIL

George Maru — Sun, 14 Feb 2010 06:51:13 +0000

Uhm, ek glo nogal daarin dat mens in besigheid moet besef wat jy goed doen en daarop fokus. As jy bloot iets doen om iemand anders na te aap (sê maar Amazon.com), dan is jy nie besig om waarde toe te voeg nie, en kan jy jou besigheid waarskynlik eerder skade berokken.

Kalahari.net is duidelik nog besig om deur Recommendation Engines for Dummies se inhoudsopgawe te werk (kliek op die foto vir ‘n groter weergawe).

Filed under: sommer net Tagged: internet, kalahari.net, tegnologie, web

All hail the king

George Maru — Thu, 28 Jan 2010 05:25:15 +0000

Moses het van die berg afgekom en nie teleurgestel nie. Daar is nie woorde om die jongste tegnologiese wonderwerk te beskryf nie.

Ek hoop net die kontrak met uitgewers sluit Suid-Afrika hierdie keer in.

Totsiens Kindle. Jy het probeer.

Posted in nuus Tagged: Apple, ipad

Om in die gutters rond te grawe

George Maru — Sun, 24 Jan 2010 07:16:39 +0000

Wat is Rapport se probleem? Nog ‘n kind van Steve is iewers op die Vrystaatse vlaktes ontdek. Naas se seun by ‘n prostituut praat sy hart uit. En hoe groot is Joost se penis nou werklik? Of wag, wag: Is Frans Steyn nou gay of wat?

Kyk, ek het nie probleem wanneer joernaliste skynheiligheid ontmasker nie, soos in die geval van die dominee wat ewe vroom op ‘n Sondag een boodskap preek, maar in die week iemand anders is. As jy graag vir ander mense wil vertel hoe hulle moet leef, dan moet jy maar sorg dat jy lewe soos jy preek.

Maar Frans Steyn? Waarom mense wat bloot hulle drome najaag se lewens verongeluk omdat ‘n redakteur sy (of dan haar) kwartaalikse targets moet maak? Dit is nie ‘n groot geheim dat die Afrikaner een van die mees homofobiese volke (saam met mede-Afrikane) is op hierdie planeet nie. Gewone statistiek behoort mens ook te vertel dat daar top gay rugbyspelers moet wees in Suid-Afrika. Maar erken dit en Ras Dumisani staan ‘n beter kans om “Die Blou Bul” op Loftus te sing, as wat ‘n gay speler sal hê om ‘n Springboktrui oor sy kop te trek. Daarom dat spelers maar eerder in die kas bly.

Ja, ek weet, eintlik moet mens nie Rapport blameer nie. Die Afrikaner se algemene zefgeit en ‘n siek beheptheid met ander se persoonlike lewens, stel publikasies soos Rapport instaat om nog te bestaan.

Tragies.

Posted in nuus Tagged: rapport

Schadenfreude

George Maru — Tue, 12 Jan 2010 16:59:53 +0000

Nou ja, wat kan mens sê?

“And here’s to you Mrs. Robinson.”

Karma is ‘n bitch.

Posted in musiek, nuus Tagged: homofobie, noord-ierland, simon and garfunkel

Dit kom! Dit kom!

George Maru — Mon, 04 Jan 2010 20:06:20 +0000

Goed, ek dink ek verdien eervolle vermelding dat ek tot op hede nog niks geskryf het oor die langverwagte nuwe Apple speelding wat weer eens ‘n industrie gaan transformeer nie. Mens kan egter net solank stilbly.

Na alle waarskynlikheid sal die nuwe iGuide / iSlate (of wat hulle dit ook mag noem) op 27 Januarie bekend gestel word.

Woohoo!

Die volk wag, Steve.

Posted in nuus Tagged: Apple

Symphony of Sorrowful Songs

George Maru — Fri, 01 Jan 2010 20:37:34 +0000

In 1976 skryf Henryk Górecki sy derde simfonie, ook bekend as “Symphony of Sorrowful Songs”. Dit bestaan uit drie bewegings. Almal stadig. Die eerste en derde bewegings word geskryf uit die perspektief van ‘n moeder wat ‘n kind verloor het. Die tweede beweging verteenwoordig ‘n kind wat deur oorlog van haar moeder verwyder is, se perspektief. Hierdie beweging se woorde is ‘n gebed van Helena Wanda Błażusiakówna, ‘n 18-jarige meisie, wat sy teen die muur van die Gestapo tronksel geskryf het in 1944 toe sy deur die Nazis gevang is.

Górecki het later verduidelik hoekom juis hierdie gebed hom opgeval het:

In prison, the whole wall was covered with inscriptions screaming out loud: ‘I’m innocent’, ‘Murderers’, ‘Executioners’, ‘Free me’, ‘You have to save me’—it was all so loud, so banal. Adults were writing this, while here it is an eighteen-year-old girl, almost a child. And she is so different. She does not despair, does not cry, does not scream for revenge. She does not think about herself; whether she deserves her fate or not. Instead, she only thinks about her mother: because it is her mother who will experience true despair. This inscription was something extraordinary. And it really fascinated me.

Posted in musiek Tagged: gorecki, klassiek, musiek