Sondag-oggend se luiende klokke,
maak die sondaars wakker.
Hulle harte is ysblokke,
en loop hulle na ‘n doodsakker.

Traag en sleepvoetig,
loop die verlore skape nader;
waar kassiere juig,
en onkundiges vergader.

Die huurling groet die gemeente -
spreek almal salig klein en groot.
Sy voorkoms is soos ‘n geraamte,
en ruik na die dood.

Met goed-geleerde woorde,
en toegeskroeide gewete;
beplan hy baie moorde,
te midde van noodroepe en krete.

Genade en barmhartigheid gemeente,
begroet hy die kerk;
mislei siele die soveelste maal,
en is vir die verderf gemerk.

Doen bietjie sonde, maar pasop,
net nie te veel;
vat maar ‘n lekker dop;
dis tog net speel-speel.

Pasop vir die radikaliste;
hou balans in die hede.
Vat nou hande met liberaliste,
ons leef mos nou in vrede.

Ons trek alles teen gays terug -
Ons kritiek was oorbodig.
Nou kan ons almal van verligting sug -
Ons het julle geld so nodig.

Onthou, net ons is reg,
al die sektes is verkeerd.
Hou aan op hierdie weg,
dis mos lekker breed!

Word nou sag gesus,
almal kom uit die kas.
Geniet ons kerk gerus,
Rip van Winkel slaap nog vas.

Martin Gunther

Maeree, so weggesteek onder die maatemmer?

Emil, beweer jy Maeree is ‘n misfit?

en ja, die oos-kaap is die res van die land ver vooruit. maar ons hou dit geheim.