Archive for April 2009
Woensdag 22 April 2009, Wes-Kaap
Moenie omkyk nie
Moenie terugkyk nie
Moenie bang wees nie
Daar’s nie soutpilare nie
Dis net die wind die wind die wind my kind
Dis net die winde van verandering wat waai
Anton Goosen en die Kommissie van Ondersoek
‘n Nuwe begin II
Ek vermoed elke persoon het ‘n paar boeke wat ‘n impak op hulle lewens gehad het; boeke waarna mens telkens kan terugkeer en opnuut iets daaruit kan haal. Die eerste boek wat my lewensuitkyk redelik dramaties beïnvloed het, was Robert Pirsig se Zen and the Art of Motorcycle Maintenance. ‘n Tweede boek wat my totaal onkant gevang het en waarheen ek telkens terugkeer, is Rollo May se My Quest for Beauty. May was ‘n Amerikaanse eksistensialistiese sielkundige en ‘n goeie vriend van die teoloog Paul Tillich (sekerlik een van die grootste teoloë ooit).
My Quest for Beauty is ‘n memoir waarin May beskryf hoedat die krag van skoonheid (help tog met ‘n beter vertaling vir beauty!!) hom gehelp het om sinvol te leef en hom lewend gehou het. Deur te skep word ons heel en vervuld; om mens te word, is die kunstenaar se taak, ‘n geboortereg wat alle mense deel. May glo vas dat hierdie taak om te skep nie net voordelig is vir elke individu nie, maar ook outentieke, harmonieuse bestaan in samelewings moontlik maak.
May verwys na twee definisies van skoonheid wat verskillende aspekte daarvan belig. Aristoteles het dit gesien as “the condition when everything fits, when in a scientific theory or the Parthenon one has the conviction that nothing could be added or subtracted.” Plato se definisie fokus op die eenheid in skoonheid en sien dit as “the eternal splendour of the One showing through the Many. That is, in the many different forms of our universe, the One shines through and gives splendour and meaning to all.“
Welkom by riviersonderend en my quest for beauty.
Susan Boyle regeer die interwebs
As jy nou nog nie weet wie Susan Boyle is nie, dan kan ek jou nie help nie. Nie eers pille gaan werk nie.
Sy het die gay blogosfeer geannekseer. Sy verorber die Afrikaanse blogosfeer tydens 10 uur oggendtee. Sy is orals. Op Facebook. Op Amerikaanse TV. Op blogs wat handel oor baie oninteressante onderwerpe soos IT besigheidsintelligensie en databasisbestuur. Haar oudisie vir Britain’s Got Talent sal binnekort meer as 20 miljoen keer gekyk wees.
En steeds is daar geen keer aan die fenomeen nie!
As jy soos ek is, en jou daaglikse fix nodig het, wees bly! ‘n Opname wat sy gemaak het in 1999 van Cry me a river, het die interwebs getref!
Geniet!
Geen seks nie, dankie! Ons is miere.
Voortplanting is nie meer afhanklik van seks nie. En die manlike geslag is heeltemal oorbodig.
Wel, as jy ‘n mier is. En in die Amasone woon.
Die BBC berig dat ‘n nuwe mierspesie in die Amasone ontdek is wat voortplant sonder seks. Die miere plant voort deurdat die koningin haarself kloon. Al die miere in die kolonie is vroulik; daar is nie ‘n enkele mannetjiesmier te bespeur nie, selfs nie in die slawe kwartiere nie.
Dr Himler verduidelik dat ‘n lewe sonder seks voordelig is:
It avoids the energetic cost of producing males, and doubles the number of reproductive females produced each generation from 50% to 100% of the offspring.
Ja, blykbaar is dit te veel moeite om mannetjies te maak.
The times they are a changin’
Swede 226 – 22 ten gunste.
Iowa, VSA (hooggeregshof) 7 – 0 ten gunste.
Vermont, VSA (na ‘n aanvanklike veto van die Republikeinse goeweneur) 23 – 5 (senaat) ten gunste, 100 – 49 (huis) ten gunste.
