Archive for Mei 25th, 2008
En jy is bang om te bungi?
Michel Fournier gaan uit ‘n lugballon spring. Maar dit is nie ‘n gewone ballon nie. En dit gaan nie ‘n gewone sprong wees nie. Dit is nie ‘n gewone sprong nie, want hy gaan spring van ‘n hoogte van 40 km.
Na verwagting gaan dit 15 minute neem om terug te val na die aarde. Hy gaan die tog met ‘n spesiale lugballon aanpak, in ‘n ruimtepak. Want op 12 km is daar nie meer genoeg suurstof om te oorleef nie. Op 19 km kan die lugdruk jou bloed laat kook. Letterlik.
In die val behoort hy deur die klankgrens te gaan. As iets verkeerd gaan, sal hy binne enkele sekondes sterf.
Dit het hom 20 jaar van voorbereiding geneem en $20 miljoen gekos.
O ja, Michel is 64 jaar.
So, watter interessante ding het jy onlangs aangepak?
