Archive for Oktober 14th, 2007
Oor die kopskrif se foto’s
Teen die tyd het lesers seker agtergekom dat die kopskrif se foto’s meer gereeld verander. Die nuwe foto is van ‘n bamboeswoud. Dit is iewers in die Ooste geneem. Die aanhaling kom uit die rolprent Crouching Tiger, Hidden Dragon.
Die vorige een is ‘n foto van gebedsvlae. Die gebruik van gebedsvlae kom veral in die Himalajas voor en kan waarskynlik teruggevoer word na die Bön-geloof. Dit het in Tibet gefloreer voor die koms van Boeddhisme in die 7de eeu.
Die gebedsvlae bevat mantras van verskeie bodhisattvas, soos Avalokiteśvara, die bodhisattva van barmhartigheid. Die vlae dien as simbole van vrede, omgee, medelye, krag en wysheid.
