Iets wat die moeite werd is
Ek het op Computicket se webwerf gekyk en daar is nog kaartjies beskikbaar vir die Misa Criolla & Navidad Nuestra wat vanaand, môreaand en Saterdagaand in die Oude Libertas amfiteater uitgevoer word.
Die foto is van die CD waarop Mercedes Sosa dit sing. Ek dink nie daar is ‘n beter weergawe nie, maar ek verstaan dat Amanda Strydom se vertolking ook aangrypend is. Amanda Strydom se reputasie maak dit in elk geval moontlik om haar aan te beveel, sonder dat ‘n mens die spesifieke produksie gesien het 
)
Die Misa Criolla is uniek omdat dit die ritmes en tradisies van Latyns-Amerika kombineer met ‘n tradisionele mis.
Voorwaar die moeite werd.
Ek het al vyf verskillende CDs van die Misa Criolla gehoor; ek besit twee van hulle, my pa twee ander, en die vyfde is nog by die CD-winkel. Mercedes Sosa is definitief my en my pa se se topkeuse. Nadat ek daai CD gekoop het, het ek ook besluit dat wanneer ek eendag sewentig is, ek ‘n beroemde solo-sangeres wil wees.
Tania
15 Maart 2007 at 10:26
Al het sy miskien nie die ingebore gevoel vir die ritmes van hierdie musiek nie, moet ek se dat Amanda Strydom se vertolking daarvan baie moving is – ek het dit al self gesien.
Vinknes
15 Maart 2007 at 10:56
Tania, so ek is nie net bevooroordeeld nie? In my oë kan Sosa niks verkeerd doen nie, ten minste nie ‘n noot verkeerd sing nie. As jy nie van haar gewone CDs het nie, doen jouself ‘n guns.
George Maru
15 Maart 2007 at 20:03
[...] het al voorheen geskryf oor haar vertolking van die Missa Criolla wat ‘n uitsonderlike werk is en ‘n plek in [...]
La Negra is oorlede « riviersonderend
4 Oktober 2009 at 16:56